கோவை மாவட்டத்தில் உள்ள கோழி ஒன்று இட்ட முட்டை குறித்த பேச்சு சமூக வலைதளங்களில் பெரிதும் வைரலாகி வருகிறது.
ஏனெனில் இதன் நீளம், எடை உள்ளிட்டவை வழக்கத்திற்கு மாறாக இருக்கின்றன. நேற்று முன்தினம் (ஜனவரி 1) இந்த முட்டையை கோழி உரிமையாளர் கவனித்துள்ளார்.
முட்டையின் வித்தியாசத்தை வைத்து கூகுளில் விவரங்களை தேடி பார்த்துள்ளார். அப்போது அந்த முட்டையின் எடை மற்றும் நீளம் ஆகியவை உலக சாதனை முயற்சிக்கு செல்லும் என்பதை அறிந்து கொண்டார்.
ஆச்சரியம் அளித்த முட்டை
இதையடுத்து உலக கின்னஸ் சாதனை பட்டியலில் முட்டையை இடம்பெற முயற்சித்தார். இது தொடர்பான விவரங்களை அனுப்பி வைத்தார்.
சாதாரணமாக ஒரு கோழி முட்டையின் எடை 40 கிராம் முதல் 50 கிராம் வரை இருக்கும். ஆனால் அவர் வைத்துள்ள கோழி இட்ட முட்டையின் எடை 90 கிராமாக இருக்கிறது.
அதன் நீளம் 8.1 இஞ்ச். சுற்றுவட்ட அளவு 6 இஞ்ச் உள்ளது.
இதுகுறித்து பேசிய உரிமையாளர், இந்த முட்டையின் எடை விகிதம் ஆச்சரியம் அளிக்கிறது. சத்தான உணவுகள் படித்துவிட்டு நான் கோழி வளர்ப்பதை பார்த்து சிரித்தவர்கள் அனைவரும் இன்று என்னை பார்த்து ஆச்சரியப்படுகின்றனர்.
நான் வளர்க்கும் கோழிகளுக்கு வீட்டில் உள்ளவர்களுக்கு கொடுக்கும் சத்தான உணவுகளை தான் கொடுக்கிறேன். நல்ல முறையில் கோழிகள் வளர்கின்றன. அவை கொடுக்கும் முட்டைகள் மிகுந்த ஆரோக்கியம் தருகிறது.
கோழிகள் வளர்ப்பதில் பல்வேறு சிக்கல்கள் உள்ளன. அதையும் தாண்டி வளர்த்து வருகிறேன்.என்னுடைய கோழிகளுக்கு இதுவரை எந்த நோயும் வந்ததில்லை. கோழிகள் வளர்ப்பை அதிகப்படுத்த வேண்டும் என்று விரும்புகிறேன்.
இதற்கு தமிழக அரசு எனக்கு உதவ வேண்டும். நான் பட்டதாரியாக இருக்கிறேன். சுயமாக தொழில் செய்து வருகிறேன்.
நல்ல முறையில் வியாபாரமும் நடந்து கொண்டிருக்கிறது. இதை கருத்தில் கொண்டு அரசு ஏதேனும் ஒரு வகையில் உதவி செய்ய வேண்டும் என்று உரிமையாளர் கேட்டுக் கொண்டார்
கோவையில் கின்னஸ் சாதனைக்கு முயற்சித்த கோழி முட்டை குறித்த தகவலால் குறித்த உரிமையாளர் விற்கும் முட்டைகளின் கேள்வி கூடியுள்ளதாக சொல்லப்படுகிறது.