லலித் படிதாருக்கு 17 வயது. அவர் ஒரு அரிய நோயால் பாதிக்கப்பட்டுள்ளார், இதன் காரணமாக அவரது முகத்தில் 5 செ.மீ நீளத்திற்கு முடி வளர்ந்துள்ளது. இவர் மத்திய பிரதேசத்தில் உள்ள ரத்லம் பகுதியில் வசிப்பவர். லலித் Werewolf Syndrome என்னும் நோயால் பாதிக்கப்பட்டுள்ளார். இந்த நோயில் முகத்தில் முடி வளரும். அதனால்தான் இந்த நோயால் பாதிக்கப்பட்டவர்களின் முகம் ஓநாய் போல தோற்றமளிக்கத் தொடங்குகிறது.
லலித் மத்திய பிரதேசத்தில் உள்ள நந்த்லேடா கிராமத்தில் வசிப்பவர். பிரிட்டிஷ் செய்தித்தாள் ஒன்றிடம் பேசிய லலித், தனது தந்தை ஒரு விவசாயி என்றும் அவர் ஒரு சாதாரண குடும்பத்திலிருந்து வந்தவர் என்றும் கூறினார். லலிலத் 12ம் வகுப்பு படிக்கும் மாணவர்.
லலித், தான் இளமையாக இருந்தபோது, குழந்தைகள் அவரைக் கண்டு பயந்ததாகவும் கூறினார். அந்த நேரத்தில், மக்கள் தன்னைப் பற்றி ஏன் பயப்படுகிறார்கள் என்பதை லலித்தால் புரிந்து கொள்ள முடியவில்லை. பின்னர் வளர்ந்த பிறகு, அவர் மற்றவர்களிடமிருந்து வேறுபட்டவர் என்பதை உணர்ந்தார்.
ஹைபர்டிரிகோசிஸில், உடலில் அசாதாரண அளவு முடி வளரத் தொடங்குகிறது. ஹைபர்டிரிகோசிஸில் இரண்டு வகைகள் உள்ளன. முதலாவது பொதுவான ஹைபர்டிரிகோசிஸ் ஆகும், இதில் முடி உடல் முழுவதும் உள்ளது. இரண்டாவதாக, லோக்கல் ஹைபர்டிரிகோசிஸ் உள்ளது, இதில் முடி ஒரு குறிப்பிட்ட பகுதியில் மட்டுமே வளரும்.
லலித் தனது வாழ்நாள் முழுவதும் தனது உடலில் இந்த முடிகள் இருப்பதாக கூறினார். ஆனால், 6 முதல் 7 வயது வரை, அவர் விசித்திரமான எதையும் காணவில்லை. அதன்பிறகு முதல்முறையாக அவர் மற்றவர்களிடமிருந்து வேறுபட்டவர் என்பதை உணர்ந்தார்.
குழந்தைகள், லலித்தை பேய், குரங்கு போன்ற பெயர்களில் கிண்டல் செய்து பயமுறுத்துவார்கள். லலித் கூறுகையில், தான் பல விஷயங்களைக் கற்றுக்கொண்டேன், தான் கற்றுக்கொண்ட மிகப்பெரிய விஷயம் என்னவென்றால், நான் ஒரு மில்லியனில் ஒருவன். எனவே நான் வாழ்க்கையை முழுமையாக வாழ வேண்டும் என்றார்.