நீங்கள் தன்னம்பிக்கை மிக்கவராக மாற வேண்டும் என்றால் 3 தாரக மந்திரத்தை கட்டாயம் கடைபிடிக்க வேண்டும்.
ஆரோக்கியம்
நீங்கள் தன்னம்பிக்கை மிக்கவராக இருக்க வேண்டும் எனில், நீங்கள் ஆரோக்கியத்தில் அதீத கவனம் செலுத்த வேண்டும். எத்தகைய மனிதனையும் ஆரோக்கியம் இன்மை நிலைகுலையச் செய்துவிடும். அதனால், நீங்கள் ஆரோக்கியமாக இருக்க உணவு, உடற்பயிற்சி, மன ஆரோக்கியம் ஆகியவற்றில் கவனம் செலுத்துங்கள். அதிகாலை விழித்தல், நேரமாக உறங்கச் செல்லுதல், ஆரோக்கியமான உணவுகளை மட்டுமே எடுத்துக் கொள்ளுதல் இன்றியமையாதது என்பதை நினைவில் வைத்துக் கொள்ளுங்கள்
நேர்மறை சிந்தனை
ஆரோக்கியம் நன்றாக இருக்கும்பட்சத்தில் உங்களை நேர்மறை சிந்தனைவாதியாக மாற்றிக் கொள்ளுங்கள். உங்களுக்கு ஏற்படும் அத்துனை விஷயங்களிலும் இருக்கும் நேர்மறை விஷயங்களை மட்டுமே எடுத்துக் கொள்ளுங்கள். அவற்றில் கிடைக்கும் அசௌகரியமான விஷயங்களை அனுபவங்களாக கருதிக் கொள்ளுங்கள். நல்ல விஷயங்களை நினைத்து, நல்ல விஷயங்களை பேசும்போது உங்கள் எண்ணம் கூர்மையாகவும், தெளிவாகவும் இருப்பீர்கள்
எதிர்மறையை தவிர்த்தல்
எக்காரணத்தைக் கொண்டும் எதிர்மறை சிந்தனையை தவிர்த்துவிடுங்கள். இது உங்களையும், உங்கள் சுற்றுப்புறத்தையும் எப்போதும் மகிழ்ச்சியாக வைத்திருக்காது. எதிர்மறை சிந்தனை உடைய நபர்களுடன் இருப்பதும் உங்களுக்கு ஆபத்தானது. முதலில் நீங்கள் எதிர்மறை சிந்தனைவாதியாக இருக்கிறீர்களா? என்பதை சுயபரிசோதனை செய்து கொள்ளுங்கள். கோபம், ஆக்ரோஷம், ஒருவரை பற்றி புறம்பேசுதல், எடுக்கும் முடிவில் தெளிவின்மை ஆகியவை இருந்தால் எதிர்மறை சிந்தனை உங்களிடத்தில் இருக்க வாய்ப்புள்ளது. இதில் இருந்து மீள்வதற்கான முயற்சியை மேற்கொள்ளுங்கள்